မြန်မာနိုင်ငံစစ်မှုထမ်းဟောင်းအဖွဲ့ ဗဟိုစည်းရုံးရေးကော်မတီဝင်၊ အမှတ်(၁)စက်မှုဝန်ကြီးဌာန၊ ၀န်ကြီး ဦးအောင်သောင်း သဲဖြူကျေးရွာ တည်ဆောက်ထားရှိမှုအခြေအနေနှင့် သဲဖြူကျေးရွာတွင် ဖွင့်လှစ် ရောင်းချလျှက်ရှိသော သက်သာအရောင်းဆိုင်၊ မြန်မာ့စားသောက်ကုန်လုပ်ငန်း ဒဂုန်အချိုရည်နှင့် ရေခဲစက်၊ ၀င်းသူဇာအရောင်းဆိုင်(စမ်းချောင်း)တို့အား ကြည့်ရှု့စစ်ဆေး

မြန်မာနိုင်ငံစစ်မှုထမ်းဟောင်းအဖွဲ့ ဗဟိုစည်းရုံးရေးကော်မတီဝင်၊ အမှတ်(၁)စက်မှုဝန်ကြီးဌာန၊ ၀န်ကြီး ဦးအောင်သောင်းသည် ၅-၁-၂၀၀၈ ရက်နေ့ မွန်းလွဲပိုင်းတွင် ရန်ကုန်တိုင်း မှော်ဘီမြို့နယ်၊ အမှတ်(၂)စစ်မှုထမ်းဟောင်းကျေးရွာ(သဲဖြူ)သို့ရောက်ရှိရာ စစ်မှုထမ်းဟောင်းအဖွဲ့ တာဝန်ရှိသူများက ကြိုဆိုကြသည်။ သဲဖြူကျေးရွာ ဓမ္မာရုံတွင် မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ် ဌာနမှူး၊ ဒုတိယဗိုလ်မှူးကြီး ၀င်းမောင် (အငြိမ်းစား)၊ အုပ်ချုပ်မှုဌာနကြီးမှူး ဗိုလ်မှူးဌေးနိုင် (ငြိမ်း) နှင့် သဲဖြူကျေးရွာ အုပ်ချုပ်ရေးမှူး ဗိုလ်ကြီးသန်းဝင်း (ငြိမ်း)တို့က တန်ဘိုးနည်းနေအိမ်များ အကွက်ချထားမှု၊ အဆောက်အဦးများ တည်ဆောက် ပြီးစီးမှု၊ လျှပ်စစ်နှင့်ရေသွယ်တန်းပြီးစီးမှု အခြေအနေများကို ရှင်းလင်းတင်ပြကြပြီး၊ ဗဟိုစည်းရုံးရေး ကော်မတီဝင်မှ လိုအပ်ချက် များမှာကြားပြီး၊ စစ်မှုထမ်းဟောင်း (၅၀)ဦးမိသားစု၊ စုစုပေါင်း (၁၉၃)ဦး ရောက်ရှိနေထိုင်ပြီဖြစ်၍ ၄င်းတို့၏ စားဝတ်နေရေး ကိစ္စရပ်များ၊ မိသားစုအလုပ်အကိုင်ရရှိရေး ကိစ္စရပ်များကို ဖြည့်ဆည်းဆောင်ရွက်ပေးသည်။
ဆက်လက်၍ မြန်မာနိုင်ငံစစ်မှုထမ်းဟောင်းအဖွဲ့ ဗဟိုစည်းရုံးရေးကော်မတီဝင်၊ အမှတ်(၁)စက်မှုဝန်ကြီးဌာန၊ ၀န်ကြီး ဦးအောင်သောင်းသည် သဲဖြူကျေးရွာတည်ဆောက်ထားရှိမှု အခြေအနေနှင့် သဲဖြူကျေးရွာတွင် ဖွင့်လှစ်ရောင်းချလျက်ရှိသော သက်သာအရောင်းဆိုင်အား ကြည့်ရှု့စစ်ဆေးသည်။
ထိုမှတဆင့် ၀န်ကြီးဦးအောင်သောင်းသည် စမ်းချောင်းမြို့နယ်၊ ဦးဝိစာရလမ်းရှိ မြန်မာ့စားသောက်ကုန်လုပ်ငန်း ဒဂုန်အချိုရည် နှင့်ရေခဲစက်သို့လည်းကောင်း၊ ၀င်းသူဇာအရောင်းဆိုင်(စမ်းချောင်း)သို့လည်းကောင်း ရောက်ရှိစစ်ဆေးပြီး လုပ်ငန်းလိုအပ်ချက်များ မှာကြားခဲ့ပါသည်။